«Эркээйи» Новости Мегино-Кангаласского улуса
Уопсастыбанньыктары мэлдьи өйүүллэр 🤝
🛠️ Быйыл кыһын Майаҕа “Дьол түһүлгэтэ” уопсастыбаннай киин тоҥон үлэлээбэккэ турбута. Онон “Түмэн” уопсастыбаннай холбоһук урукку социальнай управление үлэлээбит дьиэтигэр көһөн, волонтердар элбэх хайысхалаах үлэлэрин кыараҕас да буоллар, тохтоппокко үлэлээбиттэрэ.
🔨 Майаҕа уопсастыбанньыктары кытта Ил Түмэн дьокутааттара Олег Марков уонна Тихон Скрябин көрсүһүүлэрэ буолла. Быйыл күһүн уопсастыбаннас күүһүнэн “Дьол түһүлгэтин” чөлүгэр түһэрии үлэтин саҕалаабыттара.
“Өрөмүөҥҥэ саҥа оһох, чугуун турбалар наада буолбуттара. Маныаха “Түмэннэр” күүстээх санааны ылынан, Ил Түмэн дьокутааттарыгар көмө көрдөөн сурук суруйбуппут. Манна утары кэлэн Олег Марков, Тихон Скрябин көмөлөһөннөр, ирдэнэр матырыйаалы баар оҥорбуттара. ОДьКХ итиинэн хааччыйар салаатын ыстаарсай маастара Павел Цыпандин салайааччылаах хамаанда босхо тардан, уопсай ситимҥэ холбоон биэрэн үөрүүбүтүн үрдэттэ. Субуотунньуктарга Майа тэрилтэлэрин ыччаттара көхтөөхтүк кыттан дьиэни иһиттэн-таһыттан ханаппаакылаатылар. “Майа” фирма салайааччыта Оксана Иванова паклянан, пенополунан хааччыйан көмөлөстө. Салгыы үлэтигэр субуотунньуктар салҕанан бараллар”,
– диэн “Түмэн” уопсастыбаннай холбоһук салайааччыта Мария Лукина ыалдьыттарыгар бара турар үлэни сырдатта.
🗣 Тихон Скрябин:
“Маннык көрсүһүүнү тэрийэн ыҥырбыккытыгар махтанабын. Бу уустук, боростуойа суох кэмҥэ кэпсэтэр, сүбэлэһэр, санаа үллэстэр дьонноохпут үөрдэр, уопсай дьыалаҕа түмсүүлээх буоларбыт санаабытын кынаттыыр. Тыа хаһаайыстыбатыгар үлэлиир салайааччы буоларым быһыытынан дэриэбинэлэри сөргүтүүгэ, бааһына сирдэрбитин сөхсүтүүгэ, сүөһүнү, сылгыны иитэн доруобуйаҕа буортута суох аһылыгы оҥорууга ылсан үлэлиибин. Билигин Олег Олеговичтыын дьокутаат быһыытынан бырабыыталыстыбаны, “Саханефтегазсбыт” тэрилтэни, бааннары кытта сөбүлэһии түһэрсэн, дуогабар үлэтин ыытан Ороссолуоданы гаастааһыҥҥа үлэлэһэбит”,
– диэн киэҥ хабааннаах үлэтиттэн сэмэйдик быһа тардан билиһиннэрдэ.
Сиһилии ⬅️
@gazetaerkeii
@ulusmedia Если у вас установлено приложение,
вы можете сразу перейти в канал