«Эркээйи» Новости Мегино-Кангаласского улуса
🌿 «Быйаҥнаах тэлгэһэ» быыстапка-дьаарбаҥкаҕа
🥬🍒 Балаҕан ыйын 13 күнүгэр Майаҕа «Кыталык» уопсастыбаннай кииҥҥэ «Быйаннаах тэлгэһэ – 2026» күһүҥҥү быыстапка-дьаарбаҥка буолла.
🍅 Үтүө үгэс буолбут атыы-эргиэн тэрээһинигэр сэлиэнньэ олохтоохторугар, ыалдьыттарыгар сайын устата оҕуруокка үүммүт, айылҕа биэрбит битэмииннээх сир астара, үүт, балык араас бородууксуйата, тэлгэһэҕэ үүнэр мастар, үүнээйилэр, сибэккилэр арассаадалара атыыга хамаҕатык бардылар.
🍯 Маны тэҥэ дьаарбаҥка кыттааччыларыгар “Элбэх көрүҥнээх оҕуруот астаах остуол”, “Уһулуччу бөдөҥ оҕуруот аһа”, “Тэлгэһэҕэ үүнэр отонноох мастар”, “Кэрэхсэнэр көстүү”, “Сонун көрүҥ үүнээйи”, “Дьикти быһыылаах оҕуруот астара” диэн хайысхаларынан быыстапка ыытылынна.
🌹 Сайын устата ыытыллыбыт «Тупсаҕай тиэргэн – 2026» чааһынай, уопсай, тэрилтэлэр дьиэлэрин киэргэтии күрэс түмүгүн билиһиннэрдилэр. Үчүгэй санааны, көстүүнү бэлэхтээбит дьоҥҥо-сэргэҕэ, кэлэктииптэргэ анал ааттаах туоһу суруктары уонна харчынан бириистэри ытыс дохсун тыаһынан туттардылар.
🏆 Тэрилтэлэр икки ардыларыгар үс бастыҥ кыайыылаахтар –
- Ф.Г.Охлопков аатынан Майа орто оскуолатын кэлэктиибэ (сал.Андрей Захаров) 15000 солкуобай,
- оҕо-ыччат спортивнай оскуолатын кэлэктиибэ (сал.Петр Илларионов) 20000 солкуобай,
- В.П.Ларионов аатынан Майа орто оскуолатын кэлэктиибэ (сал.Павел Васильев) 25000 солкуобай суумалаах бириистэри туттулар.
- Атыы-эргиэн тэрилтэлэригэр кыайыылаах тахсыбыт «Камила» маҕаһыын кэлэктиибигэр (сал. Марфа, Сергей Дегтяревтар) – 25000 солкуобайдаах бириис туттарылынна.
🎙 Алексей Неустроев, «Майа сэлиэнньэтэ» тыа сирин түөлбэтин баһылыга:
– “Күһүҥҥү киһи күлбүтүнэн” быйылгы сыллааҕы дьаарбаҥка бастакы түһүмэҕин тэрийдибит. Халлааммыт ардаан мэһэйдээтэр да, атыылааччыларбыт бородууксуйалара бэрт түргэнник атыыланан дьоммут-сэргэбит үөрэ-көтө тарҕастылар.
Маннык тэрээһинтэн хаһаайкаларбыт, ийэлэрбит сомсон ылан дьыл, кыһын устата дьиэ кэргэннэрин аһаталларыгар, хааччыйалларыгар былааннаан тэрийэбит.
Сиһилии ⬅️
@gazetaerkeii
@ulusmedia Если у вас установлено приложение,
вы можете сразу перейти в канал