"САХА СИРЭ" хаһыат/sakha-sire.ru
@channel_sakhasire
✅Ил Түмэн ПЛЕНАРНАЙ МУННЬАҔА:
Үп миниистирин эбээһинэһин толорооччу Иван Алексеев — өрөспүүбүлүкэ бүддьүөтүн 9 ый түмүгүнэн туолуутун туһунан кэпсээтэ:
- Бастаан 2026 сылга бүддьүөт ороскуота 349,8 млрд солкуобай кээмэйдээх бигэргэтиллибитэ. Алтынньы 1 күнүнээҕи туругунан, былааннаммыт үбүлээһин 15,7 млрд солкуобайга улаатан — 365,5 млрд солкуобайга тиийдэ. Ол иһигэр бүддьүөккэ федеральнай бүддьүөттэн эбии тус сыаллаах үп уонна төлөбүрэ суох харчы киирдэ. Тохсунньу–балаҕан ыйдарыгар ороскуот 279,9 млрд солкуобай буолла — бу чопчуламмыт сыллааҕы былаан 76,6%-на.
Судаарыстыбаннай бырагыраамаларга 265,2 млрд солкуобай, онтон бырагыраамалары таһынан ороскуоттарга 14,6 млрд солкуобай көрүлүннэ.
Социальнай-култуурнай эйгэҕэ 128,2 млрд солкуобай ороскуоттанна — сыллааҕы былаан 76,2%-на:
— үөрэҕириигэ — 62,4 млрд солк.;
— социальнай бэлиитикэҕэ — 43,7 млрд солк.;
— доруобуйа харыстабылыгар — 13,8 млрд солк.;
— култуураҕа — 5,2 млрд солк.;
— физическэй култуураҕа уонна успуорка — 2,1 млрд солк.
Национальнай бырайыактарга 43 млрд солкуобай көрүлүннэ. Тоҕус ый устата 32 млрд солк. тыырылынна — ити чопчуламмыт былаан 74,4%-на. Эбии төлөбүрэ суох киириилэртэн 8,2 млрд солкуобайы «РусГидро», оттон 6,1 млрд солкуобайы — Территориялары сайыннарыы пуондата киллэрдэ.
МАХ-ка ханаалбыт:
https://max.ru/channel_sakhasire
Если у вас установлено приложение,
вы можете сразу перейти в канал
вы можете сразу перейти в канал