Новости Горного улуса🔝
Энтузиаст учууталбытынан киэн туттабыт
👨🏫🏫Алтынньы 2 күнүгэр Учуутал күнүн бэлиэтиир дьоро күҥҥэ Кировскай орто оскуолатыгар 50 сыл физкультура учууталынан үлэлээбит Руслан Антонович Ивановы 75 сааһынан эҕэрдэлээтибит.
🏃♀️🏃🏼♂️Руслан Антонович эдэр эрдэҕиттэн эрчимнээх, үлэҕэ саҥаттан саҥа сүүрээннэри киллэрэн иһэр энтузиаст учуутал. Элбэх оҕону спорка уһуйан, 25 оҕо физкультурнай үөрэҕи бүтэрбиттэр. Оҕолору патриотическай тыыҥҥа иитиигэ улахан өҥөлөөх педагог.
🎖️🪖Кини 2004 с. улууска бастакынан "Сокол" байыаннай-спортивнай кулуубу тэрийбитэ. Манна дьарыктаммыт оҕолор улууска, өрөспүүбүлүкэҕэ бастаан, элбэх ситиһиилэммиттэрэ.
Россияҕа тиийэ байыаннай-спортивнай күрэххэ кыттыбыттара. Элбэх оҕо Бүтүн Союзтааҕы "Океан", "Орленок" лааҕырдарга сынньаммыттара.
Руслан Антонович саҕалаабыт дьыалата салҕанан "Харыйаҕа" байыаннай-спортивнай лааҕыр улэлиир, эһиил лааҕыр сылы эргиччи үлэлииригэр анаан, федеральнай бырайыагынан эбии объектары тутуу ыытыллыаҕа.
✨✨Оҕону иитии эйгэтигэр өр сыллаах сыралаах үлэтин иһин Руслан Антоновичка быйыл Горнай улууһун Бочуоттаах олохтооҕо аат иҥэриллибитэ.
Бары үтүөнү, кэрэни, кытаанах доруобуйаны, дьолу-соргуну, айымньылаах үлэни баҕарабыт.
✍️Саргылана Аргунова
"Үлэ күүһэ" сонуннара Если у вас установлено приложение,
вы можете сразу перейти в канал