УУС АЛДАН | МҮРҮ САҺАРҔАТА
🔹 Бүгүн Майаҕас сэлиэнньэтигэр улахан хапытаалынай өрөмүөн кэнниттэн 14 №-дээх «Чуораанчык» оҕо уһуйаана үлэтин саҕалаата.
Өрөмүөн үлэтэ үөрэх тэрилтэтин инфраструктуратын саҥардар, дойду үрдүнэн оҕолор сайдалларыгар тэҥ кыаҕы биэрэр сыаллаах «Дьиэ кэргэн» национальнай бырайыак көмөтүнэн ыытылынна.
Өрөмүөн үлэтин "Капитал М" хааччахтаммыт эппиэтинэстээх тэрилтэ ыытан, дьиэ үрдүн уонна фасадын өрөмүөннээтилэр, ону тэҥэ ититии уонна уунан хааччыйыы систиэмэлэрин киллэрэн туран сүрүн инженернэй ситимнэри уларыттылар. Уһуйаан ис өттүн экологическай ыраас матырыйаалларынан туһанан ирдэбилгэ эппиэттиир гына өрөмүөннээтилэр.
Уһуйаан истиэнэлэрин "Өркөн" оҕону эбии үөрэхтээһин киинин үлэһиттэрэ уруһуйдаабыттара ис киирбэх көстүүлэммит.
Маны сэргэ уһуйаан материальнай-техническэй базата олоччу саҥардылынна. Онон үлэһиттэр, төрөппүттэр үөрүүлэрэ, махталлара үгүс. Уһуйааҥҥа өр сылларга үлэлээбит бэтэрээн үлэһиттэр кэлэн өрөмүөн ыытыллан усулуобуйа тупсубутун көрөн сөхтүлэр-махтайдылар, ис сүрэхтэриттэн үөрэн коллективка өссө үрдүк ситиһиилээх үлэни баҕардылар, сэмэй бэлэхтэрин туттардылар.
Улуус салалтатын уонна нэһилиэк олохтоохторун ааттарыттан Саха Өрөспүүбүлүкэтин Үөрэххэ уонна наукаҕа министиэристибэтигэр улууспут үөрэҕин систиэмэтин сайыннарыыга дьоһун кылааттарын иһин, тыа сирин оҕолоро сайдалларыгар сөптөөх усулуобуйаны тэрийиигэ бииргэ үлэлээһиннэрин иһин истиҥ махталбытын биллэрэбит.
Улуус дьаһалтатын пресс-сулууспата
📲Мах-каналбытыгар сурут
⬇️
https://max.ru/channel_ua_murusahargata
🌐https://мюрюгазета.рф/
✅ @uamurusahargata @ulusmedia Если у вас установлено приложение,
вы можете сразу перейти в канал