Администрация Дюртюлинского района

@durtulinskiy
Фото ⚡ЮЛДЫҢ СИФАТЫН ЙӘМӘҒӘТСЕЛӘР ТИКШЕРӘ     Башҡортостан Республикаһының Транспорт һәм юл хужалығы министрлығы ҡарамағындағы Йәмәғәт советы ағзалары Бүздәк – Саҡмағош – Дүртөйлө юлындағы ремонттың сифатын тикшерҙе.   Йәмәғәтселәр, «Йәшәү өсөн инфраструктура» милли проектына ярашлы, юлдарҙа һәм күперҙәрҙә башҡарылған эштәр сифатын тикшереүҙе дауам итә. Күптән түгел  ошо совет ағзалары Бүздәк районына сығып, дөйөм оҙонлоғо 5 километр булған Бүздәк — Саҡмағош — Дүртөйлө юлының ике участкаһында ремонт эштәре сифатын тикшерҙе. Был трассаны ремонтлау 2026 йылда башҡарылған. Эш барышында подряд ойошмаһы асфальт-бетон ҡатламын яңыртҡан, яндарын нығытҡан һәм юл һыҙаттарын яһаған.   Йәмәғәт контролерҙары, асфальтты киҫеп, асфальт-бетон ҡатламының сифатын тикшергән, юлдың һәм яндарының битләүҙәрен һәм киңлеген, шулай уҡ горизонталь юл һыҙыҡтарын үлсәгән. Был участкала асфальт ике ҡатлап, ҡырсын-мастика ҡатнашмаһы ҡулланып һалынған, был юлдың оҙаҡ файҙаланыу осорон тәьмин итәсәк. Юлдың йөрөү өлөшөнөң киңлеге – һигеҙ метр, яндарының киңлеге ике метр тәшкил итә. Был юл хәрәкәте хәүефһеҙлеген тәьмин итеү өсөн етерлек. Тикшереү һөҙөмтәләре буйынса йәмәғәтселәр башҡарылған эштең сифатын юғары баһаланы. Юл инфраструктураһы объекттарында башҡарылған эштәрҙең сифатын тикшереү эше дауам итәсәк. 📍Фото: БР Транспорт һәм юл хужалығы министрлығы.
Если у вас установлено приложение,
вы можете сразу перейти в канал