МР "Верхневилюйский улус (район)"
Үөһээ Бүлүү улууһа тыа хаһаайыстыбатын сайыннарыыга эдэр фермердары өйүүр.
Тыа хаһаайыстыбатын сайдыытыгар, бэйэни аһынан-үөлүнэн хааччыйыыга уонна эдэр ыччаты тыа сиригэр олохсутууга, үлэлэтиигэ туһаайыллыбыт Үөһээ Бүлүү улууһун баһылыгын стратегическай былаанын чэрчитинэн ыытыллыбыт үлэ үтүө түмүктэри көрдөрөр.
Ол курдук, бүгүн, алтынньы 10 күнүгэр, биһиги улууспутугар иккис сылын үлэлиир "Кыра кыамталаах хотоннору тутуу уонна саӈардыы" бырагыраамманан 5-с хотон тутуллан үлэҕэ киирдэ. Бу ситиһии – Саха Өрөспүүбүлүкэтин Ил Дархана Айсен Сергеевич Николаев көҕүлээһининэн саҕаламмыт тыа хаһаайыстыбатын сайыннарыы саҥа механизыма уонна биһиги улууспут баһылыгын Валерий Валерьевич Николаев Уурааҕынан оӈоһуллубут бырагыраамма үлэтин түмүгэ буолар. Улуустарга тыа хаһаайыстыбатын сайыннарыы боломуочуйаларын туттарыы кэскиллээх бырайыактар олоххо киирэллэригэр сүрүн төһүү буолла.
Потапов Александр Николаевич хаһаайыстыбатын сайдыыта – улууспутугар эдэр фермердары өйөөһүн чаҕылхай холобура буолар. Аҕа баһылыкпыт тус өйөбүлүн түмүгэр, Александр Николаевич 2025 сыллаахха өрөспүүбүлүкэтээҕи "Агростартап" күрэххэ кыайан, 2 мөл. 125 тыһ. солкуобайы грант быһыытынан ылбыта. Ол үбүнэн МТЗ 82.1 тыраахтыры уонна оттуур тэрили атыыласпыта. Бу күүстээх өйөбүл түмүгэр, Потаповтар дьиэ кэргэн хаһаайыстыбалара биир сыл иһигэр сүөһү ахсаанын 47 төбөттөн 62-гэ диэри, ыанар ынаҕын 16-ттан 30-ка диэри элбэтэн, быйылгы кыстыкка киирэргэ бэлэмнэнэллэр.
Бүгүҥҥү күҥҥэ Мэйик нэһилиэгэр арыллыбыт саҥа хотон, улуустааҕы "Кыра кыамталаах хотоннору тутуу уонна саҥардыы" бырагыраамматынан, тыа хаһаайыстыбатын сайыннарыыга анаммыт үптэн 8 687 500 солкуобай субсидия көмөтүнэн тутуллан үлэҕэ киирдэ. Бу – бүтүн улууспут тыа хаһаайыстыбатын стратегическай сайдыытыгар, нэһилиэнньэбитин экологическай ыраас бородууктанан хааччыйыыга күүстээх хардыы буолар. Улууспут баһылыгын инникини өтө көрөр бэлиитикэтин уонна тыа сирин олохтоохторун кыһалҕаларын истэр-билэр, тус болҕомтотугар ылар үлэтин үрдүктүк сыаналыыбыт.
#ВместеТолькоВперед
#ТыаХаһаайыстыбата
#СельскоеХозяйство
#Мэйик
#ҮөһээБүлүү Если у вас установлено приложение,
вы можете сразу перейти в канал