НОВОСТИ «КЫРАЧААН ЫМЫЫЛАР»
💠Улууска аан маҥнайгытын ыытыллар төрөппүт үөрэҕин кыһата🧔👶🧑🦰✨
Алтынньы ый 22 күнугэр, Мэхээлэ Дьөгүөрэп сынньалаҥ киининэр «Махтал! Таптал! Эрэл!» бастакы төрөппүт кыһата көхтөөхтүк тэриллэн ааста. "Кырачаан ымыылар" о5ону сайыннарар киин көҕүлээһининэн Бэрдьигэстээх нэһилиэгин уһуйааннара көмелөөн, Бэрдьигэстээх нэһилиэгин дьаһалтата, улуустааҕы үөрэх салаата, улуустааҕы дьиэ кэргэн политикатын отделын өйөбүлүнэн тэрилиннэ.
💠Сүрүн сыала: эдэр төрөппүттэргэ, дьиэ кэргэттэргэ о5ону иитии сурун ейдебүллэригэр, чөл доруобай турук, духуобунай өй-санаа, туруктаах буолууга туһуланна.
Тэрээһин ыҥырыылаах ыалдьыттарынан буоллулар Вилюяна Николаевна Никитина - «Ийэ тыл кэскилэ» Өрөспүүбүлүкэтээҕи хамсааһын салайааччыта, Гуманитарнай чинчийэр уонна хотугу аҕыйах ахсааннаах норуоттар кыһалҕаларын институтун билим үлэһитэ, Александр Васильевич Григорьев- Саалтааны өбүгэ үгэһин үөрэтээччи, тарҕатааччы, Екатерина Афанасьевна Герасимова- оҕо бырааһа, Екатерина Константиновна Дьячковская- «Родничок» о5ону сайыннарар киин салайааччыта.
Тэрээһин маҥнайгы чааһыгар үөрүүлээх арылыыта, улууспут аҕа баһылыга Никита Викторович Андреев уонна олохтоох дьаһалта баһылыгын солбуйааччыта Ксения Михайловна Васильева эҕэрдэ тылларынан саҕаланна, Бэрдьигэстээх оҕо уһуйааннарын төрөппүттэрин оҕо аймах сайдыытыгар бэйэлэрин сыраларын уурар көхтөөх төрөппүттэргэ махтал суруктары уонна бэлиэ наҕараадалары туттардылар. Ил тумэн аатыттан сэттэ дьиэ кэргэн махтал суруктары туттулар.
Ыҥырыылаах ыалдьыттар кыттыылаах практическай секция үлэлээтэ. Вилюяна Николаевна аныгы үйэҕэ оҕону төрөөбүт тылынан иитии уонна икки тылланыы (билингвизм) уратыларын туһунан дириҥ ис хоһоонноох практикум ыытта. Өбүгэ үгэһин чинчийээччи Александр Григорьев-Саалтааны оҕону кыра эрдэҕиттэн сахалыы сиэринэн иитии-үөрэтии туһунан сүбэлээтэ. Оҕо бырааһа Екатерина Герасимова кэлэр көлүөнэ доруобуйатын харыстааһыҥҥа, хамсаныы уонна сөптөөх аһааһын суолтатыгар тохтоото. Алтыһыыны уопуттаах салайааччы, иитээччи Екатерина Константиновна түмүктээн, оҕону дьиэ кэргэннэ үлэннэн итии саҥа хайысхаларын сырдатта.
«О5о саада- төрөппүт айар, сайдар, алтыһар эйгэтэ» бырайыак истии төрөппүт кыһатын иккис чааһа Горнайдааҕы кииннэммит библиотечнай ситимҥэ салҕанна. Сүрун сыала: төрөппуттэри сомоҕолоон дьыссаат иитэр-үөрэтэр үлэтин таһыма, хаачыстыбата сайдыытыгар, материальнай баазата бөҕөргүүрүгэр төрөппүт социальнай партнер быһыытынан тус баҕатын, идеятын, инициативатын өйөөн бырайыактары истии. Төрөппүттэр бырайыактарын, этиилэрин сүбэ-ама биэрэр экспертарынан буоллулар Ксения Михайловна Васильева -Бэрдьигэстээх нэьилиэгин баьылыгын солбуйааччыта, Альбина Семеновна Алексеева - социальнай политика уонна дьиэ кэргэн отделын сэбиэдиссэйэ, Семен Олегович Семенов – Горнай улууьун “Ситим” проектнай киин салайааччыта, Мариафа Ильинична Михайлова – “Сардаана” о5ону сайыннарар киин старшай иитээччи, Антонина Константиновна Максимова – “Олонхо кэскилэ” детсаад сэбиэдиссэйэ.
Экспертар хас биирдии төрөппүт түмсүүлэрин бырайыагын сыаналаан, олоххо киллэрэр хайысхалары ырытан, граннарга уонна араас таһымнаах конкурстарга хайдах кыттыахха сөптөөҕүн туһунан туһалаах сүбэлэри-амалары биэрдилэр. Түмүгэр хас биирдии оҕо тэрилтэлэрэ төрөппүт бэйэ баҕатынан тэрийэр үлэ барыллара идеялара, былааннара таҕыстылар. Бу курдук, «Оҕо саада — төрөппүт айар, сайдар, алтыһар эйгэтэ» төрөппүт бырайыактара дьыссаат уонна дьиэ кэргэн икки ардыгар дьиҥнээх социальнай партнерство олохсуйбутун көрдөрдө.🥰
“Кырачаан ымыылар” о5ону сайыннарар киин ааттыттан оҕо аймах туһугар кэскиллээх санааларын үллэстибит ыҥырыылаах ыалдьыттарбытыгар Александр Васильевичка, Вилюяна Николаевнаҕа, Екатерина Константиновнаҕа, Екатерина Афанасьевнага, көхтөөх төрөппүттэрбитигэр, иитээччилэргэ уонна ытыктабыллаах экспертарбытыгар барҕа махталбытын тиэрдэбит!💐🌟🎉😍 Если у вас установлено приложение,
вы можете сразу перейти в канал