МР "Мегино-Кангаласский улус"
УСПУОРТ САЙДЫЫТЫГАР АНАЛЛААХ ТӨГҮРҮК ОСТУОЛ БУОЛЛА
Муус устар 28 күнүгэр Владимир Петрович Ларионов аатынан Майа орто оскуолатыгар Чурапчы физическэй култуураҕа уонна успуорка института төгүрүк остуол ыытта. Манна улуус салалтатын, педагогтар, тириэньэрдэр уонна оскуола оҕолорун кыттыылаах идэҕэ туһайар үлэ ыытылынна.
Төгүрүк остуол үлэтигэр институт ректора Иннокентий Готовцев физическэй култуураҕа уонна успуорка каадырдары бэлэмнээһин туһунан кэпсээтэ. Эбии үөрэхтээһин факультетын декана Марианна Манасытова физическэй култуураҕа уонна успуорка идэлээх үлэһиттэргэ квалификацияны үрдэтии куурустарын билиһиннэрдэ.
Оскуола оҕолоругар идэҕэ туһайар тэрээһиннэр уонна «Подвижная перемена» бырайыак презентацията буолла. Маны таһынан, араас маастар-кылаастар ыытылыннылар.
Тэрээһин түмүгүнэн улуус баһылыга Дмитрий Тихонов уонна Чурапчы физическэй култуураҕа уонна успуорка институт ректора Иннокентий Иннокентьевич бииргэ үлэлээһин туһунан сөбүлэһиигэ илии баттастылар. Бу докумуон успуорт инфрастуруктуратын сайыннарыыга, каадырдары бэлэмнээһиҥҥэ уонна чөл олоҕу тарҕатыыга туһуланар.
Мэҥэ Хаҥалас улууһун дьаһалтатын пресс-сулууспата Если у вас установлено приложение,
вы можете сразу перейти в канал