МР "Мегино-Кангаласский улус"
СААСКЫ ХАЛААН УУТА КЭЛЭРИГЭР БЭЛЭМНЭНИИ ТУРУГУН ТУЛА
Муус устар 29 күнүгэр Нөөрүктээйи нэһилиэгэр сааскы халаан уутун куттала суох аһардыыга уонна сүөһүнү быстах кэмҥэ хаайар хааччахтарга күрэтиигэ аналлаах мунньах ыытылынна.
Бу мунньахха ыксаллаах быһыыны-майгыны сэрэтэр, туоратар хамыыһыйа чилиэннэрэ, уу кэлиититтэн эмсэҕэлиэн сөптөөх нэһилиэктэр баһылыктара уонна тыа хаһаайыстыбатын исписэлиистэрэ, уопсайа 40 киһи кыттыыны ыллылар.
Мунньаҕы улуус баһылыгын нэһилиэнньэ олоҕун-дьаһаҕын хааччыйыыга солбуйааччы Николай Никифоров иилээн-саҕалаан ыытта. Кини бу мунньах сүрүн соругунан тыа хаһаайыстыбатыгар баар эбийиэктэри халаан уута ааһар кэмигэр куттала суох аһардыы буоларын эттэ.
Улуус тыа хаһаайыстыбатын салалтатын салайааччы Аркадий Лукин, 81 тонна оту, 2,3 тонна эбиэһи, ыһыыга аналлаах сиэмэ бурдугу, хортуосканы, ынах сүөһүнү уонна сылгылары уу ылбат сиригэр илдьэллэрин тоһоҕолоото.
Ветеринария салалтатын начаалынньыга Саргылана Тополина уу кэлиитигэр эминэн-томунан хааччыллыы барыта бэлэмин бигэргэттэ.
Нөөрүктээйи нэһилиэгин баһылыга Иван Старостин, нэһилиэк түөлбэлэрин салайааччылара уонна олохтоохтор нэһилиэнньэ хайдах туруктааҕын, бэлэмнэрин туһунан иһитиннэрдилэр.
Мунньах кэнниттэн халаан уута кэлиитигэр сүөһүнү, сылгыны быстах кэмҥэ хаайар пууҥҥа үөрэх буолла. Үөрэх түмүгүнэн сааскы халаан уутугар толору бэлэмнээхтэрэ бигэргэтилиннэ.
Мэҥэ Хаҥалас улууһун дьаһалтатын пресс-сулууспата Если у вас установлено приложение,
вы можете сразу перейти в канал