МР "Мегино-Кангаласский улус"
УЛУУСПУТ ТУРУУ ҮЛЭҺИТ ДЬОНО ИЛ ДАРХАН БИРИЭМИЙЭТИНЭН БЭЛИЭТЭННИЛЭР
Үлэһит дьону уруйдуур Үлэ, Эйэ, Саас бырааһынньыгын көрсө, Ил Дархан көҕүлээһининэн олохтоммут "Үлэ киһитэ" бириэмийэнэн чиэстэммит улууспут үтүө үлэһит дьонун итиитик-истиҥник эҕэрдэлиибит!
Муус устар 30 күнүгэр Ил Дархан Айсен Сергеевич Николаев Саха сирин 50 туруу үлэһит олохтооҕор 300 тыһынча солкуобай кээмэйдээх «Үлэ киһитэ» бириэмийэни туттарда.
Өрөспүүбүлүкэ үрдүнэн 250 кэлэктиип бары өттүнэн бастыҥ бэрэстэбиитэллэрин бириэмийэҕэ түһэрбиттэриттэн, бэйэлэрин идэлэрин баһылаабыт, олоххо көхтөөх көрүүлээх үлэһит дьон талыллан наҕараадаланнылар.
Норуот дьокутаата Андрей Михайлович Находкин, үрдүк наҕараадаҕа тигистибит улууспут үлэһит дьонун эҕэрдэлээн туран, кинилэр ситиһиилэрэ улууспут инники сайдыытыгар тустаах тирэх буолалларын бэлиэтээтэ.
Биһиги улуустан үрдүк наҕараадаҕа тигистилэр:
• Петр Михайлович Винокуров – «Якутлесресурс» бастакы категориялаах инжиниэрэ.
• Святослав Николаевич Докторов – «Мегинострой» бетонщик-арматурщига.
• Любовь Максимовна Алексеева – "Р.И. Брызгалов аатынан тырааныспар техникума" методическай кэбиниэтин сэбиэдиссэйэ.
Күндү үтүө үлэһиттэрбит үрдүк ситиһиигит Сахабыт сирин сайдыытыгар төһүү күүс буоллун! Эһиэхэ чэгиэн туругу, дьиэ кэргэҥҥитигэр дьолу-соргуну, үлэҕитигэр өссө үрдүк чыпчааллары баҕарабыт!
Мэҥэ Хаҥалас улууһун дьаһалтатын пресс-сулууспата Если у вас установлено приложение,
вы можете сразу перейти в канал