МР «Нюрбинский район»
@id1419004365_gos
❗❗❗ Улууска муниципальнай майгыннаах ыксаллаах быһыы-майгы биллэрилиннэ
Улууска 2 ойуур баһаара умайар, иккиэн Маалыкай территориятыгар, Хатыыттан 106 уонна 100 биэрэстэлээх сирдэргэ бааллар. Атырдьах ыйын 8 к. туругунан Бэрэ диэн сиргэ 5 №дээх баһаар иэнэ 32612 гааҕа тэҥнэспитэ, ол иһигэр – 3000 гааҕа - верховой уот, 2346 гааҕа - хонуу уота. Уоту утары 58 киһи үлэлиир, Дьокуускайдааҕы, Үөһээ Бүлүүтээҕи, Тааттатааҕы Авиалесохрана үлэһиттэрэ.
Ыт Өтөх диэн сиргэ 7 №-дээх ойуур баһаарын иэнэ 31461 гааҕа тиийбитэ, ол иһигэр «верховой уот» - 7500 гааҕа, 254 гааҕа - хонуу уота. Уоту утары 21 киһи (Дьокуускайдааҕы уонна Покровскайдааҕы Авиалесохрана) үлэлии сылдьар.
Атырдьах ыйын 9 күнүнээҕи ардах баһаар буола турар сирин кыратык таарыйда, онон уоту умуруорарга улаханнык көдьүүстээбэтэ диэххэ сөп. Ойуур уота верховойдуур буолан, умулларарга олус уустук, кыаллыбат даҕаны. Биһиэхэ ити баһаардартан уонна ыаллыы Өлөөн улууһун Ээйик сиригэр умайа турар уот буруолара кэлэр.
Оперативнай ыстаап быһаарыытынан атырдьах ыйын 7 күнүттэн ойуур баһаардарынан сибээстээн, улууска муниципальнай майгыннаах ыксаллаах быһыы-майгы биллэрилиннэ. Оттуу сылдьар дьонтон ураты, ойуурга дьон тахсыыта, тиэхиньикэ сырыыта бобулунна.
Улуус дьаһалтатын пресс-сулууспата.
Если у вас установлено приложение,
вы можете сразу перейти в канал
вы можете сразу перейти в канал