МБУ «ДНТ «КЫТЫЛ»» МО «АЛДАНСКИЙ НАСЛЕГ» ТАТТИНСКОГО УЛУСА РС(Я)
Олунньу 13 күнүгэр Төрөөбүт тыл, сурук-бичик күнүгэр, Дьокуускай куоракка, SMART библиотекаҕа, биир дойдулаахпыт, саха классик суруйааччыларыттан биирдэстэрэ, драматург, кэпсээнньит, хоһоонньут Николай Денисович Неустроев сырдык аатыгар сүгүрүйэр үтүө тэрээһин буолла.
Үөрүүлээх тэрээһиӈӈэ Дьокуускай куорат салалтатыттан Аржаков В.В., култуура министиэристибэтиттэн Брызгалова С. И., Николай Денисович Неустроев аймахтара, биир дойдулаахтара, кини аатын сүгэр Таатта улууһун Уус Таатта орто оскуолатын учууталлара, Алдан нэһилиэгин баһылыга Постников Егор Николаевич уонна "Кытыл" НАДь салайааччыта Варвара Ананьевна Максимова, уус-уран салайааччы Федот Федотович Лукин ыалдьыттаатылар.
Кини сырдык аатын үйэтитэр, билиҥҥи кэм ыччатыгар билиһиннэрэр стендэ арылынна. Николай Денисович олорон ааспыт олоҕо, айар үлэтэ, Николай Рубакинныын суруйсубут суруктара киирбиттэр. Маҥнайгы айымньылара, нуучча тылыттан тылбаастара, комедия жанрын төрүттээбитин туһунан сырдатыллыбыт.
Ону таһынан, Николай Денисович уруһуйдуур дьоҕурдааҕын, онно кинини биллиилээх худуоһунньук Иван Попов уһуйбутун туһунан кэпсэнэр.
2023 сыллаахха Н.Д. Неустроев мэтириэтин араас дьүһүннээх кырааскалаах аныгы креативнай технологиянан уруһуйдаммыт мэтириэтэ Саха Өрөспүүбүлүкэтин "Книга рекордов" кинигэҕэ киирбитин туһунан сырдаттылар.
Аныгы үйэ технологиятынан ааптар айымньыларын сырдатар хартыыналарынан, хаартыскаларынан күөх экраҥҥа виртуальнай быыстапканы көрдүбүт.
Смарт бибилотека аныгы кэми кытта тэҥҥэ хаамсар буолан, араас технологиялары олоххо киллэрэн ааҕааччыларын угуйа тураллар. Ол курдук ыалдьыттарга анаан "Робот библиотекарь" бу үөрүүлээх чааска бэйэтэ таҕыста уонна Саха сиригэр аан маҥнайгытын сахалыы саҥарда.
Үөрүүлээх тэрээһиммитин Дархан этээччи Афанасий Попов оһуохайынан түмүктээтибит. Если у вас установлено приложение,
вы можете сразу перейти в канал