МБОУ "Гимназия 9 г. Кызыла" Республики Тыва.
Бөгүн культура ажылдакчыларының хүнү
2003 чылдың февраль 28-те немелде өөредилге төвүнге «Театр» уругларның театр-планетарийиниң ажыдыышкыны болган. Ооң уран чүүл удуртукчузу кылдыр РСФСР-ниң алдарлыг артизи Сиин-оол Лакпаевич Оюн ажылдап эгелээн.
2003 чылда Кызыл хоорайның 9 дугаар гимназиязынга немелде тудуг ажыглалга кирген. Ында 300 олуттуг көрүкчүлер залы, чаа техника-биле дериттинген, дескинип турар сценалыг, кабинеттерлиг, ийи улуг телескоптуг театр-планетарий ажыттынган. Аңаа уруглар немелде билиглерге өөренир.
Театр-планетарийниң ажык-дузазының дугайында Сиин- оол Лакпаевич Оюн ынчан мынчаар чугаалаан:
«Бирээде, физика, математика ышкаш берге эртемнерни программа езугаар театрның аргаларын ажыглап тургаш өөредири. Ийиде, салым-чаяанныг уругларның, ада-иениң, профессионал артистерниң киржилгези-биле шиилерни тургузуп болур. Үште, бо театр-планетарий чүгле школаның эвес, а бо хавак кырында микрорайоннуң театры болур. Мен ынчаар бодаар мен».
#немелде_өөредилге_төвү #культура #Театр_планетарий
Школаның архивинден чуруктар Если у вас установлено приложение,
вы можете сразу перейти в канал