Ыччат десана Хаҥалас улууһугар айанныаҕа
«Ыччат десана» Хаҥалас улууһугар барыаҕа. Бу туһунан Ил Дархан Айсен Николаев ГТРК «Саха» ханаалга быһа эпииргэ иһитиннэрдэ.
«Оҕолор улуустарынан айанныыллар, хаһаайыстыбаҕа көмөлөһөллөр, ол иһигэр анал байыаннай дьайыы кыттыылаахтарын дьиэ кэргэттэригэр уонна соҕотох олорор биэнсийэлээх дьоҥҥо хаары ыраастааһыҥҥа, мас мастааһыҥҥа. Бу дьыаланы СӨ Ыччат дьыалатыгар уонна социальнай коммуникацияҕа миниистир Петр Шамаев салайар. Мин кинини кытта кэпсэтиэм», – диэн өрөспүүбүлүкэ баһылыга эттэ.
«Ыччат десана» бырайыак өрөспүүбүлүкэҕэ 2022 сылтан үлэлиир. Бырайыак сүрүн соруга – СВО кыттыылаахтарын дьиэ кэргэттэригэр, соҕотох олорор биэнсийэлээх дьоҥҥо, уустук балаһыанньаҕа киирбит дьоҥҥо көмө. Ол курдук, устудьуоннар хаары ыраастыыллар, мас хайытан биэрэллэр, муус бэлэмнииллэр. Сайын – от оттууллар, күһүн – оҕуруот хомуйуутугар, отоннуурга, кыһыҥҥы кыстыкка киирэргэ көмөлөһөллөр.
Бу сылга десаннар кулун тутар бүтүүтүгэр үлэлэрин саҕалаатылар. Номнуо Уус Алдан уонна Нам улуустарыгар үлэлээтилэр. Уопсайа 13 нэһилиэккэ сырыттылар, 100 кэриҥэ дьиэ кэргэҥҥэ илии-атах буоллулар. Бу үлэҕэ 150 кэриҥэ эдэр оҕо кыттыыны ылар.
Хаартыска: sakha.gov.ruЕсли у вас установлено приложение,
вы можете сразу перейти в канал