Сунтаар улууһугар бастыҥ муниципальнай үлэһити таллылар
Сунтаарга бастыҥ муниципальнай үлэһит диэн дьаһалта үлэһиттэригэр икки ардыларыгар күрэс иккис тɵгүлүн тэриллэр. Быйыл тоҕус киһи кытынна.
Кыһыл ыллыгынан дьаһалта үлэһиттэрэ хааман киирдилэр. Кинилэр күннээҕи үлэлэрин киэҥ эйгэҕэ билиһиннэрэр сыаллаах «Бастыҥ муниципальнай үлэһит» диэн улуустааҕы күрэс аан бастаан 2018 сыллаахха тэриллибит. Онтон быйыл иккис тɵгүлүн ыытыллар.
Күрэскэ быйыл тоҕус дьаһалта үлэһитэ кыттыыны ылла, ол иһигэр баһылыктар солбуйааччылара бааллар. Бастаан бэйэни билиһиннэрэн, үлэҕэ кэтэр таҥаһы кɵрдɵрдүлэр, араас ыйытыыларга хоруйдаатылар, бырайыак кɵмүскээтилэр, талааны кɵрдɵрдүлэр.
Кыайыылааҕынан Хоро баһылыгын солбуйааччыта Сайан Иванов аттанна, оттон иккис миэстэ – Сунтаар дьаһалтатын үлэһитэ Евгений Кривошапкин, үһүс миэстэ – Дьаархантан исписэлиис Айна Николаева. Если у вас установлено приложение,
вы можете сразу перейти в канал