Биллиилээх поэт, суруналыыс, ССРС суруйааччыларын уонна суруналыыстарын сойууһун чилиэнэ Николай Рыкунов төрөөбүтэ 90 сылынан Нам улууһугар үйэтитии үлэтэ ыытыллар. Кини өр сылларга «Ленин суола», «Эҥсиэли» хаһыаттарга кылаабынай редакторынан үлэлээбитэ. «Отуу уота» литературнай түмсүүнү төрүттээбитэ, салайбыта. Түмсүү тэриллиэҕиттэн элбэх киһи кынат үүннэринэн суруйааччы үрдүк аатын сүкпүтэ. Николай Рыкунов үгүс айымньы, ырыа ааптара. Кини сырдык аата улуустааҕы киин библиотекаҕа иҥэриллибитэ быйыл 30 сыла буолла. Ол чэрчитинэн «Дьахталлар» поэматынан оҥоһуллубут искибиэри сөргүтүү, «Ырыкыныап ырыата», литературнай пикник тэриллиэҕэ, библиотекардар бириэмийэлэрэ олохтонуо, ыһыах кэмигэр Рыкунов хоһоонун түһүлгэтэ тэриллиэ Если у вас установлено приложение,
вы можете сразу перейти в канал