Аэропорка киириигэ куттал суох буолуутун бэрэбиэркэлээһин быраабылатыгар уларыйыылар киирдилэр
Дьокуускайдааҕы норуоттар икки ардыларынааҕы аэропорка киириигэ куттал суох буолуутун бэрэбиэркэлээһин быраабылатыгар уларыйыылар киирдилэр.
Пассажирдар уочаракка турбаттарын уонна бэрибиэркэни түргэнник ааһалларын туһугар саҥа ирдэбиллэри эрдэттэн билиэхтэрин наада дииллэр.
Ол курдук, урукку сылларга аэропорт дьиэтигэр киирэргэ төлөпүөнү тимири көрдүүр араама таһынааҕы остуолга уурар көҥүллэнэрэ. Оттон билигин гаджеттары хайаан да суумканы кытта интроскоп нөҥүө аһарыахтааххыт. Ол аата, төлөпүөҥҥүтүн эрдэттэн сиэпкититтэн таһааран, анал лотуокка уураргыт ирдэнэр. Манна күлүүһү, тимир харчыны, чаһыны, электроннай табаҕы, ноутбугу планшеты эмиэ угар ирдэнэр. Иниспиэктэр дьонтон төлөпүөҥҥүтүн эбэтэр ноутбуккутун холбоон көрдөрүн диир бырааптааҕын санаталлар. Если у вас установлено приложение,
вы можете сразу перейти в канал