НВК «Саха»
@sakha_nvk
Дьокуускай сыбаалкатын баһаарын иэнэ намтаата
Бэс ыйын 15 күнүгэр Бүлүүлүүр суолга кытаанах хомунаалынай тобохтору харайар полигоҥҥа (ТКО) уоту умуруоруу үлэтэ салҕанар. Бу туһунан мунньахха «Жилкомсервис» тэрилтэ дириэктэрэ Юрий Спиридонов иһитиннэрдэ.
Кини этэринэн, бэҕэһээ бэс ыйын 14 күнүгэр уоту төгүрүйбүттэр. Түүн устата уот иэнин тыһыынча квадратнай миэтэрэнэн аччаппыттар. Полигоҥҥа кумаҕы аҕыс самосвал тохтоло суох таһар. Көмөнү «Якутдорстрой» тэрилтэ оҥорор — эбии самосваллары ыыппыттар.
Миэстэтигэр икки бульдозер, икки фронтальнай погрузчик уонна 15 киһи үлэлиир. Сууккаҕа уоту умуруорууга полигон саппааһыттан 2 тыһ кэриҥэ куб кумаҕы туттубуттар.
Сарсыарда атын смена үлэлии кэллэ, үлэ тохтоло суох барар диэн Юрий Спиридонов бэлиэтиир.
Куорат полигонугар уот барытын баскыһыанньа сарсыарда биллибитэ.
Если у вас установлено приложение,
вы можете сразу перейти в канал
вы можете сразу перейти в канал