НВК «Саха»
@sakha_nvk
Дьокуускайга бастакытын куорат пленэрэ ыытыллыаҕа
Дьокуускай куорат күнүн чэрчитинэн бастакытын аһаҕас салгыҥҥа маассабай пленэр — уруһуйдааһын буолуоҕа.
Тэрээһин Эргэ куоракка ыытыллыаҕа, онон кыттааччылар архитектурнай пааматынньыктары ойууга түһэриэхтэрин, эбэтэр куорат олохтоохторо таптыыр сирдэрин көрдөрүөхтэрин сөп.
«Үргэл» арт-галерея идэтийбит худуоһунньуктары, уус-уран уонна архитектурнай үрдүк үөрэх кыһаларын, орто анал үөрэхтэр устудьуоннарын, преподавателлэрин уонна бары баҕалаахтары пленэрга кыттарга ыҥырар.
Пленэр чэрчитинэн түөрт хайысханан куонкурус түмүгэ тахсыаҕа: пленэр маастардара, эдэр худуоһунньуктар, сөбүлээн дьарыктанар худуоһунньуктар уонна оҕолор. Кыайыылаахтар Дьокуускай уокуруктааҕы дьаһалтатыттан бириистэри ылыахтара.
Пленэр балаҕан ыйын 12 күнүгэр, 12:00 чаастан саҕаланыаҕа, оттон үлэ быыстапката уонна наҕараадалааһын балаҕан ыйын 13 күнүгэр, 11:00 чааска ыытыллыаҕа. Барыта-Эргэ куоракка.
Если у вас установлено приложение,
вы можете сразу перейти в канал
вы можете сразу перейти в канал