🤩👍🏻Тааттаҕа талааннаах эбэлэр Мандар Ууска көбүөр бэлэх ууннулар Таатта улууһун кииниттэн Ытык Күөлтэн «Көмүс иннэ» эбэлэр түмсүүлэрэ (сал. В.А. Могдоева) Баайаҕа нэһилиэгэр анаан-минээн тиийэн, Б.Ф. Неустроев-Мандар Ууһу 80 сааһынан, үүммүт саҥа сылынан эҕэрдэлээн, ынах тириититтэн тикпит биэс харахтаах көбүөрү бэлэхтээтилэр. Эбэлэр Мандар Уустуун астына-дуоһуйа кэпсэтэн, «Мандар Уус» айылгы киинигэр сылдьан, туоска, сиэлгэ маастар кылаас ылан бардылар.